Neymar kundër Messit
Neymar është i lumtur që është bashkëlojtar me Lionel Messin në Barcelonë, por synon të fitojë kundër tij në ndeshjen miqësore mes Brazilit dhe Argjentinës, të shtunën.
Sport
Ylli i Barcelonës, Neymar, thotë se është i lumtur që është bashkëlojtar me Lionel Messin.
Por, ai synon të mposhtë argjentinasin me Brazilin, në ndeshjen miqësore të shtunën në Pekin.
“Paraqitjet me të janë nderë i madh, ai është më i miri në botë”, deklaroi Neymar para mediave në Kinë.
Sulmuesi brazilian ka porositur bashkëlojtarët e tij të Kombëtares që të kenë kujdes të veçantë nga Messi.
“Të luani kundër tij nuk është fort e kënaqshme. Ne duhet të shpresojmë që ai mos të kalojë një ditë të mirë ose mos të ketë mundësi të prekë topin. Seriozisht, ne duhet të jemi të kujdesshëm sepse kur takoheni me dikë si Messi duhet të jeni gjithmonë të vëmendshëm, nuk duhet ta lejoni që të ketë hapësirë të mendoj ose dribloj. Pastaj ai nuk mund të bëjë diçka dhe ne mund të fitojmë ndeshjen”, u shpreh Neymar.