Lirimi i ish-Kryeministres Yulia Tymoshenko nga burgu pritet të ndodhë nga momenti në moment.

Pro lirimit të, Tymoshenko, kanë votuar sot deputetët në Parlamentin e Ukrainës, me shumicë votash.

Në Parlamentin votuan 322 deputetë pro rezolutës me të cilën urdhërohet lirimi i saj.

Më herët gjatë ditës, deputetët zgjodhën Arsen Avakov, si ministër të punëve të brendshme dhe Oleksandr Turchunov si kryetar të parlamentit të Ukrainës, raporton Evropa e Lirë.

Të dytë janë aleatë të Tymoshenkos.

Parlamenti po ashtu ka miratuar një mocion të votëbesimit, me të cilën shkarkohet prokurori i përgjithshëm Viktor Pshonka.