Move to iOS
Apple do të prezantojë “Move to iOS”, një aplikacion Android i dizajnuar për të ofruar një mënyrë efektive për përdoruesit e Android që shumë lehtë të zhvendosen në pajisjet iOS, ku do të mund t’i transferojnë të gjitha kontaktet, historikun e mesazheve, fotot, videot, këngët dhe më shumë në një pajisje iOS.

Kërkimi në Settings
Deri më tani nuk ka qenë e lehtë të gjesh një gjë specifike në Settings me të cilën keni kryer punën e caktuar. Kjo do të ndryshojë me iOS 9, pasi që Settings do të marrë një veçori për kërkim, ku në një kuti kërkimi ju shumë lehtë do të mund të kërkoni atë që dëshironi, thjeshtë duke shkruar p.sh “privacy” dhe menjëherë të gjitha kontrollet e privatësisë do të shfaqen, transmeton Lajmi.net.

Metoda e kursimit të baterisë
iOS 9 do të përmbajë metodën e re të ruajtjes së energjisë. Kjo metodë do të jetë e gatshme në Settings>Battery dhe do të reduktojë shumë procese që kryhen në iPhone për të zgjeruar jetëgjatësinë e baterisë për pajisjet iOS.

Zgjedhja e videove sipas cilësisë
Apple ka prezantuar një zgjedhje të re për video gjatë incizimit në mënyrë normale apo në incizim të ngadalësuar në pajisjet iOS. Ju mund të zgjidhni në mes të tre opsioneve për incizim normal (720p, 1,080p, 1,080p HD) dhe për incizim të ngadalësuar (720p HD).

Parashikimi i prekjes
iOS 9 do të kryejë një punë më të mirë në zbulimin e asaj se ku dëshiruat të preknit në ekran, që do e bëjë më të lehtë për ju hapjen e aplikacioneve edhe nëse nuk klikuat mirë në ta, transmeton Lajmi.net.