Ramsey mezi ka luajtur këtë sezon, duke qenë titullar vetëm një herë në të gjitha garat, transmeton lajmi.net.

Trajneri Massimiliano Allegri nuk e ka në plane mesfushorin, që i ka kërkuar të largohet këtë muaj dhe ky i fundit ka pranuar t’i bashkohet klubit skocez, Rangers deri në fundin e sezonit.

‘Athletic’ raportoi në mëngjes se Ramsey ishte në aerport duke shikuar opsionet për të kompletuar transferimin në ditën e fundit të afatit dimëror.

Ramsey refuzoi kalimin te Burnley dhe një skuadër tjetër e Premierligës, emri i së cilës nuk është bërë me dije dhe do t’i bashkohet Rangers.

Për Rangers shihet si përforcimi i duhur, të cilët janë duke garuar me Celtic për titull dhe momentalisht gjenden dy pikë para./Lajmi.net/