Prishtina ka pësuar humbje të rëndë në ndeshjen e parë të raundit të parë kualifikues për Europa League, duke u mposhtur nga Sheriff Tiraspol me rezultat të thellë 4:0.

Takimi u zhvillua në Moldavi, ku skuadra vendase dominoi që nga minuta e parë dhe e bëri të vështirë misionin e kryeqytetasve për të shpresuar në një kualifikim të mundshëm, transmeton lajmi.net.

Protagonist absolut i ndeshjes ishte sulmuesi Cyrille Bayala, i cili realizoi një hat-trick, ndërsa goli tjetër për moldavët u shënua nga Elijah Odede. Me këtë disavantazh të thellë, Prishtina përballet me një detyrë pothuajse të pamundur për ta përmbysur rezultatin në ndeshjen e kthimit që do të luhet më 17 korrik në stadiumin “Fadil Vokrri” në Prishtinë.

Ndeshja kthyese do të jetë një test krenarie për Prishtinën, e cila pritet të kërkojë një paraqitje më të mirë para tifozëve të saj./lajmi.net/