Mesfushori Martin Odegaard ka rinovuar kontratën me Arsenalin deri në vitin 2028.

Lajmi është konfirmuar nga klubi anglez përmes një komunikate të lëshuar në faqen zyrtare, shkruan lajmi.net.

“Kapiteni ynë Martin Odegaard ka nënshkruar një kontratë të re afatgjatë me klubin” – thuhet fillimisht në komunikatën e Arsenal.

Reprezentuesi norvegjez pas firmosjes së kontratës është deklaruar për faqen e klubit.

“Historia ime është paksa e ndryshme ndoshta, pasi kam lëvizur nëpër klube të ndryshme që kur isha 16 vjeç. Në Arsenal, që nga dita e parë, jam ndjerë shkëlqyeshëm dhe kjo është padyshim shtëpia ime tani. Thjesht dua të falënderoj të gjithë ata që punojnë në klub dhe sigurisht, mbështetësit tanë fantastikë. Do të vazhdoj të jap gjithçka për t’i sjellë sukses këtij klubi në vitet në vijim” – ka thënë Odegaard./Lajmi.net/

“I’ve found a place that feels like home.”

— Arsenal (@Arsenal) September 22, 2023