Milani ka njoftuar zyrtarisht transferimin e mesfushorit shqiptar, Ardon Jashari, nga Club Brugge.

Futbollisti ka nënshkruar kontratë deri më 30 qershor 2030.

Jashari ka nisur karrierën në Luzern ndërsa ka debutuar në ekipin e parë më 2020. Ka pasur 102 paraqitje dhe nëntë gola para se të kalonte te Brugge më 2024 ku shkëlqeu në 52 paraqitje duke realizuar katër gola dhe duke fituar Kupën e Belgjikës.

Jashari ka katër paraqitje për Zvicrën, duke debutuar më 2022.