Barcelona është në bisedime me Liverpoolin për transferimin e Luis Suarezit. Sulmuesi uruguaian pritet t’i bashkohet gjigantit katalan gjatë këtij afati kalimtar të verës.

Edhe pse është i suspenduar për katër muaj nga FIFA pas kafshimit të mbrojtësit italian Giorgio Chiellini në kuadër të Grupit D në Kampionatin botëror, Barcelona beson se Suarez është futbollisti i duhur për të përforcuar repartin sulmues.

Dhe, në Kataloni janë aq të sigurt se transferimi do të realizohet sa që në disa dyqane të kompanisë së veshmbathjeve sportive Nike, ka filluar të shitet fanella e Barcelonës me numrin 9 dhe emrin e Suarezit.

Transferimi i Suarezit pritet t’i kushtojë gjigantit katalan mes 80-90 milionë euro.