Super LeBron James, Cavaliers barazojnë serinë ndaj Boston në 2:2 – Lajmi.net
Super LeBron James, Cavaliers barazojnë serinë ndaj Boston në 2:2
Autori: Lajmi.net BasketbollSport 9:19, 22 May 2018
Saktësia dhe potenca e LeBron James ishin të mjaftueshme që Cavs ta mbanin nën kontroll sfidën.

LeBron James rezultoi sërish protagonist absolut në fitoren 111-102 të Cleveland Cavaliers përballë Boston Cetlics, me serinë e finales së Lindjes, që barazohet në 2-2. 44 pikë, 3 asiste dhe 5 rikuperime ishin statistikat e “Mbretit” të finalistëve të sezonit të kaluar, që u shfaq me prepotencë mbi parket që në fillim të përballjes, ndërsa Celtics gabuan shumë në fazën sulmuese, duke qenë të paaftë edhe në mbulimin e të plotfuqishmit të Clevelandit.

Vendësve u mjaftoi vetëm perioda e parë për të dominuar Bostonin, me Lebron që realizoi 11 nga 34 pikët e skuadrës së tij, ndërsa Celtics shënuan vetëm 16 pikë.

Cavs realizuan të njëjtin numër pikësh, 34, edhe në periodën e dytë, por diferenca në fund të pjesës së parë mbeti thuajse e njëjtë, +15 pikë, me tabelën elektronike që tregonte rezultatin 68–53.

Saktësia dhe potenca e LeBron James ishin të mjaftueshme që Cavs ta mbanin nën kontroll sfidën, përtej tentativave të Brown dhe Tatum për të përmbysur shifrat, madje Celevaland e uli disi ritmin në periodën e fundit, por pa e rrezikuar fitoren, të dytën e serisë, me 9 pikë diferencë, 111 – 102, transmeton “SS”.

LeBron James vazhdon të shkruajë hisotrinë në NBA. Ai shndërrohet në basketbollistin që ka realizuar më shumë kosha pas sezonit të rregullt, duke kaluar edhe rekordin e Kareem Abdul-Jabbar. Një karrierë legjendare e 33-vjeçarit, që vetëm ndaj Bostonit në play off ka realizuar në total 1 107 pikë, 22 herë mbi 30 pikë dhe në 7 raste më shumë se 40 pikë. Vetëm në këtë sezon ka shënuar mbi 40 pikë në 6 ndeshje play off, një rekord ky i 18 viteve e fundit, duke barazuar Allen Iverson në vitin 2001 me Sixers. Më mirë se LeBron kanë bërë Jerry West me 8 ndeshje play off me me më shumë se 40 pikë në vitin 1965 dhe Michael Jordan me 7 takime në vitin 1989.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO