Fenerbahçe ka konfirmuar zyrtarisht shkarkimin e trajnerit Jose Mourinho.

Vendimi vjen pas eliminimit të bujshëm të klubit turk nga UEFA Champions League, pas një humbjeje kundër Benficës që përforcoi zhgënjimin e tifozëve dhe drejtuesve për ecurinë e skuadrës në Evropë, transmeton lajmi.net

Mourinho, i cili u prit me entuziazëm në Turqi, nuk arriti të përmbushë pritjet, ndërsa largimi i tij tashmë hap rrugën për një tjetër aventurë në karrierën e tij të pasur.

Sipas raportimeve të fundit në mediat ndërkombëtare, Nottingham Forest në Premier League është në kërkim të një trajneri të ri, dhe emri i Mourinhos është përmendur si një nga kandidatët potencialë.

Fenerbahçe pritet të emërojë një trajner të përkohshëm në ditët në vijim, ndërsa klubi synon të rigjejë stabilitetin pas një fillimi të trazuar të sezonit./lajmi.net/