Kushtet e reja të spanjollit në ‘Old Trafford’ përfshijnë mundësinë për një rinovim 12-mujor deri në vitin 2024.

Tashmë e disa kohë ishte përfolur për një zgjatë të kontratës nga spanjolli, por nuk pati asgjë zyrtare, transmeton lajmi.net.

De Gea, i cili është me ‘Djajtë e Kuqë’ që nga viti 2011, i tha faqes zyrtare të klubit: “Ka qenë një privilegj të kaloj tetë vjet në këtë klub të shkëlqyeshëm dhe mundësia për të vazhduar karrierën time në Manchester United është një nder i vërtetë”.

“Që kur arrita këtu, nuk mund ta imagjinoja kurrë se do të luaja mbi 350 ndeshje për këtë klub. Tani e ardhmja ime është fikse, gjithçka që dua është të ndihmoj këtë ekip të arrijë atë që besoj se mundemi dhe të fitojmë trofe përsëri, së bashku”, u shpreh ai. /Lajmi.net/