Emin Simnica, trajner i juniorëve të Ramiz Sadikut, ka vdekur sot, bëjnë te ditur burime të këtij klubi për Gazetën Express.

Burimet kanë thënë për Express se nuk është e vërtetë se ai kishte pësuar sulm në zemër gjatë ndeshjes mes Ramiz Sadikut dhe Llapit në Podujevë, siç kanë raportuar disa media kosovare sot gjatë ditës.

“Nuk është e vërtetë ajo çfarë po shkruajnë mediat se Simnica ka pësuar sulm. Unë isha prezent dhe ai [Simnica] na tha se po ndihej i lodhur. E Dërguam në emergjencë e më pas u dërgua në Prishtinë në spital ku mjekët e kontrolluan dhe thanë si frymëmarrja iu kthye në normalitet. Por, fatkeqësisht ai ka vdekur më vonë në spital,” kanë thënë burimet.

“Por, ju lutem nuk është e vërtetë që ka pësuar sulm,” ka thënë një zyrtar i klubit, i cili ka dashur të jetë anonim.

Simnica ishte trajner i juniorëve të Ramiz Sadikut.