Stones pësoi lëndim në stërvitje para se City të fluturonte në Ukrainë për takimin me Shakhtar Donetsk në ndeshjen e tyre hapëse në Ligën e Kampionëve 2019/20.

Trajneri Pep Guardiola zbuloi lajmin përpara ndeshjes së nesërme dhe kjo do të thotë se ai tani ka në dispozicion vetëm një qendërmbrojtës Nicolas Otamendi, përcjell lajmi.net.

Humbja e Stones, i cili u kritikua për gabimet që çuan në humbjen 3-2 të Cityt ndaj Norwich në fundjavë, është një goditje e madhe për ‘Qytetarët’.

”John Stones u lëndua këtë mëngjes”, tha Guardiola.

“Është një problem muskulor, ai do të jetë jashtë për katër deri në pesë javë”.

“Ëhtë një sfidë e jashtëzakonshme me vetëm një mbrojtës qendror. Ajo që ne nuk do të bëjmë është të ankohemi që ata nuk janë në gjendje të luajnë”, u shpreh tekniku spanjoll. /Lajmi.net/