Qeveria i gjenë një post edhe ish-ministrit Ibrahim Makolli

Ibrahim Makolli është emëruar në krye të delegacionit për bisedime për personat e zhdukur.

Lajme

05/02/2016 14:03

Ky vendim u mor sot në mbledhjen e Qeverisë se Kosovës e cila emëroi Ibrahim Makollin kryetar të delegacionit të Kosovës për bisedime për çështjet e personave të zhdukur që do të zhvillohen me ndërmjetësimin e Kryqit të Kuq Ndërkombëtar.

“Paga e tij do të jetë sa paga e një zëvendësministri,” u tha në mbledhje nga zëvendëskryeministri Kujtim Shala.

I kontaktuar nga Kallxo.com se kur do të nisë punë, Makolli tha se pret nga qeveria të informohet.

“Nuk kam asnjë informatë, pres nga qeveria të informohem, e më pas do të flasim prapë bashkë,” tha Makolli.

Ai bëri të ditur se që nga përfundimi i mandatit të ministrit ka përfunduar edhe aktivitetin e tij politik.

“Unë kam pushuar aktivitetin tim partiak në momentin kur kam përfundu mandatin e ministrit,” tha Makolli.

Ibrahim Makolli ishte ministër i Diasporës në qeverinë e kaluar. /kallxo.com