Punë e kryer: Kumbulla arrin marrëveshje me skuadrën e madhe italiane
Lajme të rëndësishme vijnë nga Torino rreth tregut të transferimeve të Juventus.
Sport
Gazeta nga Torino, La Stampa, raporton se Juventus, pasi ia “mori nga duart” Interit, Dejan Kulusevskin, të njëjtën gjë do të përsërisë edhe me Marash Kumbullan, përcjell lajmi.net.
Mbrojtësi shqiptar i Hellas Veronas, Marash Kumbulla, është një hap larg transferimit te Juventus.
Madje sipas La Stampa, tashmë një marrëveshje pesë vjeçare mes Juventusit dhe lojtarit është arritur.
Transferimi i Kumbullas do t’i kushtojë Juventusit 32 milionë euro.
Marash Kumbulla është rritur te skuadra e të rinjve te Hellas Verona, skuadër e cila edhe i mundësoi debutimin në Serie A./Lajmi.net/