Përleshja e ashpër e tifozëve anglezë me policët në Portugali
Dy tifozë të Anglisë u arrestuan në përleshjet me policinë portugeze të mërkurën mbrëma dhe dy oficerë të tjerë u plagosën.
Sport
Anglezët hodhën disa shishe në drejtimin e tifozëve portugezë, teksa këta të fundit në zonën e tifozëve po shikonin kombëtaren e tyre duke mundur Zvicrën 3-1.
Ishte nata e dytë me radhë që tifozët anglezë kishin shkaktuar probleme, përcjell lajmi.net.
Një shef i policisë së Mbretërisë së Bashkuar e ka quajtur sjelljen e tyre “krejtësisht të papranueshme”.
Besohet të ketë 15,000 përkrahës të Anglisë në Portugali dhe rreth 500 të pranishëm në ndeshjen e mbrëmshme në ‘Estadio do Dragao’ të Portos.
Disa tifozë po qëndrojnë në Porto, që është 30 kilometra larg nga Guimaraes ku Anglia përballet me Holandën sonte.
Edhe Federata e Futbollit të Anglisë e ka dënuar ashpër përleshjet që ndodhën në qytetin portugez. /Lajmi.net/