Parada dështuese, mblidhen vetëm 30 tifozë

London Box Sash FC është munduar ta imitojë Arsenalin, duke bërë paradë nëpër qytet, por klubi amator është zhgënjyer keq, duke i siguruar vetëm 30 tifozë.

Sport

08/07/2014 17:49

Një klub futbolli amator, i cili e siguroi një autobus të hapur për ta festuar titullin e kampionit në ligë, është zhgënjyer keq, pasi vetëm 30 tifozë dolën për ta përshëndetur.

London Box Sash FC e mbylli ligën si lider, duke dominuar fund e krye, por festimi nuk shkoi sipas parashikimeve.

Ekipi u bë bashkë për të festuar me stil, duke e organizuar një paradë me autobus të hapur, duke u munduar ta imitojnë Arsenalin, i cili e bëri një gjë të tillë pasi e fitoi FA Cup.

Megjithatë, përkundër faktit se paguan qindra funte, në tentim për t’u dukur sikur Gunners, vetëm 30 fansa e ndoqën këtë festë.

Ekipi i përshkoi vendet Wimbledon e Southfields në jug të Londrës në kërkim të tifozëve të uritur, por përkundër balonave dhe shisheve të shampanjës, festa përfundoi në qetësi, më pak se një orë më pas.