Ndërron jetë polici nga Podujeva
Kryetari i Podujevës, Shpejtim Bulliqi ka njoftuar se ka ndërruar jetë zyrtari policor, Fadil Babatinca. Ai ka ngushëlluar familjen e tij, derisa ka thënë se Babatinca ishte figurë e njohur dhe e dashur. “Me pikëllim mora lajmin për ndarjen nga jeta të zyrtarit policor, Fadil Babatinca. Fadili ishte një figurë e njohur dhe e dashur…
Lajme
Kryetari i Podujevës, Shpejtim Bulliqi ka njoftuar se ka ndërruar jetë zyrtari policor, Fadil Babatinca.
Ai ka ngushëlluar familjen e tij, derisa ka thënë se Babatinca ishte figurë e njohur dhe e dashur.
“Me pikëllim mora lajmin për ndarjen nga jeta të zyrtarit policor, Fadil Babatinca. Fadili ishte një figurë e njohur dhe e dashur për të gjithë. Si polic i komunitetit, ai ishte gjithmonë pranë qytetarëve – në rrugë, në lagje dhe mes njerëzve. Me kujdesin, përkushtimin dhe fjalën e ëmbël, ai krijoi një lidhje të veçantë me komunitetin që e shërbente me aq përkushtim. Fadili ishte shembull i një zyrtari të devotshëm në shërbim të qytetarëve dhe sigurisë së vendit tonë”, ka theksuar ai.
Tutje, Bulliqi ka shkruar “Ngushëllimet më të sinqerta familjes Babatinca, kolegëve të tij në Policinë e Kosovës dhe të gjithë atyre që e njohën Fadilin”.
