Malisheva ka pësuar humbje në ndeshjen e parë të raundit të parë kualifikues në UEFA Conference League, duke u mposhtur nga skuadra islandeze Vikingur Reykjavik me rezultat minimal 1-0.

Ndeshja u zhvillua në stadiumin “Fadil Vokrri” në Prishtinë, ku goli i vetëm i takimit u shënua nga Nikolaj Hansen në minutën e 45+2, pas një aksioni të organizuar nga islandezët, transmeton lajmi.net

Pavarësisht kësaj humbjeje, skuadra nga Kosova ende ka shpresë për kualifikim, pasi ndeshja e kthimit do të zhvillohet më 17 korrik në Reykjavik. Malisheva do të kërkojë një rezultat pozitiv për të siguruar kalimin në raundin tjetër të garës./lajmi.net/