LeBron jashtë ‘play off’, ja çfarë komenti ka Irving për këtë

13:25 | 10 Mars 2019

LeBron James pas shumë viteve duket se do të mbetet jashtë fazës ‘play off’ në NBA.

Një nga basketbollistët më të mirë në histori, nuk arriti të siguronte kualifikimin në këtë fazë për skuadrën e tij.

James pësoi një lëndim në Krishtlindje, dhe mungoi për disa ndeshje radhazi, ku Lakers lëshuan disa ndeshje, që në fund dolën të jenë vendimtare.

E për këtë fakt, aspak i lumtur nuk është ish shoku i skuadrës së LeBron, Kyrie Irving.

“Ndjej për të. Bron gjithmonë ka qenë një garues për titullin e kampionit, një shok skuadre i jashtëzakonshëm” ka thënë Irving, transmeton lajmi.net.

“Kur nuk kualifikohesh për fazën play off është e vështirë. Mund ta imagjinojë” ka thënë ndër të tjerash ai.

Ai gjithashtu ka thënë se duhet kursyer kritikat për ‘mbretin’ pasi ai mungoi për një periudhë të konsiderueshme. /Lajmi.net/