Jurgen Klopp ka thënë se Bayern Munich ishte me fat që fitoi Ligën e Kampionëve.

Skuadra e trajnerit Hansi Flick mposhti Paris Saint-Germain në finalen e Lisbonës për fitoren e 21-të të njëpasnjëshme në të gjitha garat.

Menaxheri i Liverpoolit, Klopp beson se skuadra e Bayernit ka përfituar nga orari i Bundesligës, transmeton lajmi.net.

“Të dyja skuadrat finaliste kishin top skuadra në dispozicion. Por, Bayern e deshi më shumë, edhe pse edhe PSG e deshi shumë. PSG e kërkonte shumë, kjo shihej”, tha Klopp.

“Bayern ishte me fat, por nuk ju duhej shumë. Për këtë arsye e merituan fitoren. Do të ishte e mirë nëse zhvilloni ndeshjen më të mirë të sezonit në një finale por është shumë pak e mundshme të ndodh”, theksoi ai. /Lajmi.net/