Klay Thompson 2 vite jashtë parketit?
Ylli i Golden State Warriors, Klay Thompson, mund t’i mungojë parketit të NBA për dy vite.
Sport
Thompson kishte pësuar një dëmtim në gju gjatë ‘Play off’ të sezonit të kaluar, duke munguar edhe në ndeshjet vendimtare finale të skuadrës së tij.
Ishte bërë e ditur qysh pas ekzaminimeve të para që lojtari do ta humb sezonin që po afron, por disa raportime të fundit e bëjnë edhe më shqetësuese situatën.
Një mjek nga SHBA, i cili është ekspert i problemeve me gjunjët, ka thënë se Klay mund të mungojë rreth dy vite, transmeton lajmi.net.
Dr.Hewett insiston se faktet e tij janë të mbështetura mbi shkencën dhe thotë se rreziku për tu rikthyer lëndimi është shumë i madh, nëse rikthehesh në parket më herët se dy vite. Gjithashtu, ai potencon se me një dëmtim të tillë, nuk mund të jesh lojtari i njëjtë qysh në sezonin e parë.
Mungesa e Thompson për dy vite do të ishte goditje e madhe për Golden State. Thompson ka regjistruar 21.5 pikë për ndeshje, 3.8 kërcime dhe 2.4 asistime, gjatë sezonit të kaluar. /Lajmi.net/