Fitore minimale, me rëndësi maksimale për Werder – Rashica me asistim për golin e fitores
Werder Bremen ka shënuar fitore kundër Schalke 04.
Sport
Schalke nuk e ka ndërmend të gjejë formën e saj, pas daljes nga mbyllja e Covid-19, duke regjistruar tjetër humbje.
Bremen fituan me rezultatin 0:1, në udhëtim, në një terren mjaft të vështirë, në një ndeshje ku paraqitje të mirë pati edhe Milot Rashica.
Rashica dha kontribut në golin e vetëm të këtij takimi, kur në minutën e 32’, pas një presingu të mirë, rrëmbeu topin dhe dha asistimin për L.Bittencourt, i cili vendosi fatin e takimit, shkruan lajmi.net.
Kjo fitore e çon Werderin në kuotën e 25 pikëve, tri pikë larg zonës që e shpëton nga rënia e ligës.
Schalke mbetet në pozitën e 10-të, me 37 pikë të grumbulluara, me një tjetër xhiro pa fitore. /Lajmi.net/