FIFA 23: A do ta lansojë ‘EA’ lojën e re? Ndoshta FIFA e fundit që keni luajtur është 22-shi

Auto & Tek

28/04/2022 13:40

Vide-loja shumë e popullarizuar, FIFA po afrohet në përvjetorin e saj të 30. Por, çfarë më pas?

Që nga viti 1993, ‘EA Sports’ ka publikuar lojën FIFA, duke publikuar numra të rinj tash e afër tri dekada.

Për pjesën më të madhe, FIFA ka dominuar fushën e video-lojërave, por konkurrencë ka pasur edhe nga ‘KONAMI’ (PES – Pro Evolution Soccer).

Gjithsesi, e ardhmja e lojës mbetet akoma e paqartë, derisa rinovimi i partneritetit mes FIFA dhe ‘EA Sports’ duket në mëdyshje, përcjell lajmi.net.

‘EA’ ka publikuar pak, ose aspak nga loja e re, dhe kjo shtynë dyshimet edhe më shumë nëse do të ketë FIFA 23 ose jo. Gjithsesi, duket se loja vazhdon në një formë a tjetër.

Nëse FIFA 23 publikohet, pritet të lansohet në fund të shtatorit, sipas kohës së përhershme të publikimit të lojërave të kaluara.

Versioni i ri i lojës mund të jetë ‘EA Sports FC’. Konfirmimi për ndryshimin e emrit nuk ka ardhur akoma. Ky version mund të ketë brenda vetes edhe opsionin për Kupën e Botës për burra dhe gra. /Lajmi.net/