E kërkon Fenerbahce, ja çfarë deklaron Arbër Zeneli

11:57 | 7 Dhjetor 2018

Paraqitjet e mira këtë sezon si te klubi i tij Heerenveen, e po ashtu edhe te Kosova në Ligën e Kombeve, kanë bërë që shumë skuadra të shfaqin interesim për Arbër Zenelin.

Në mesin e këtyre skuadrave, është edhe gjiganti turk, Fenerbahce.

Rreth këtij interesimi ka folur edhe vetë Arbër Zeneli, që është deklaruar i nderuar për interesimin e një klubi si Fenerbahce.

“Është një nder i madh për mua të shoh emrin tim të lidhur me një klub të madh”, ka deklaruar Zeneli, përcjell ‘lajmi.net’.

Zeneli që është pjesë e Heerenveen që nga viti 2016, mund t’i kushtojë Fenerbahces rreth pesë milionë euro./Lajmi.net/