Arsyet se pse KFOR-i nuk i dha leje Forcës së Sigurisë që më 29 nëntor ta kalojë lumin Ibër e ta dalë në pjesën veriore, nuk dihen.

Ushtarak me përvojë të gjatë tash deputet të opozitë besojnë se me këtë refuzim nuk ka lidhje fare zotimi i vitit 2013 nga ish-kryeministritsst atë kohë, Hashim Thaçi.

Hisen Berisha – Deputet i PDK-së deklaroi se “Ne jemi në procesin e implementimit të projektit të Forcave të Armatosura, jemi në fazën e dytë viti i fundit, sepse nuk kemi kapacitet me u përballë me një invazion në territor, dhe përgjja e satkë se pse nuk jemi shku dhe pse nuk bën të shkojnë forcat është se FSK nuk ka mandat me ligj të veprojnë në asnjë trazirë qofshin ato edhe të karakterit terrorist”

Megjithatë deputetë  të partisë në pushtet, zotimin e ish-presidentit, Thaçi vazhdojnë të shohin pengesë.

Në raport me FSK-në, anëtari i Komisionit për Siguri nga opozita shkon edhe më larg, por jo pa përgjigje nga deputeti Muja.

Hisen Berisha – Deputet i PDK-së tha se “Dërgimi i ushtarëev tek ura në Vushtrri me e rujt është shkelje e ligjit dhe unë e di që do të penalizohemi nga ndërkombëtarët.”

Armend Muja – Deputet i LVV-së deklaroi se “Nuk është e vërtetë, mbrojtja e infrastrukturës kritika parashihet në strategjinë tonë të sigurisë që e ka ndërtu Kuvendi edhe i përfshinë të gjithë akterët e mundshëm të sigurisë.”

Kërkesa e paraqitur pas sulmit me eksploziv në kanalin e Ibër-Lepencit, është në përputhje me zotimin e vitit 2013 i nënshkruar nga institucionet e Kosovës dhe NATO-s, sipas së cilës, kryeministri i atëhershëm, Hashim Thaçi, e siguroi NATO-n se FSK-ja nuk do të shkojë në veri pa pëlqimin paraprak të KFOR-it. /Dukagjini