Drejtori për marrëdhënie institucionale në Real Madrid, Emilio Butragueno është i vetëdijshëm se skuadra e tij nuk do ta ketë lehtë kundër Atletico Madridit në çerekfinale të Ligës së Kampionëve.

“Atletico është skuadër konkurrente me të cilën jemi takuar këtë sezon dhe e njohin mirë njëri tjetrin”, deklaroi ai.

“Ata janë skuadër që di të luftojë, ata pranojnë pak gola, janë të rrezikshëm në ndërprerje dhe i shfrytëzojnë situatat e tilla. Ne do të shohim nëse mund t’i mposhtim dhe të kthehemi për shortin e gjysmëfinales”, u shpreh Butragueno.