Burnley e ka siguruar edhe matematikisisht rikthimin në elitën e futbollit anglez për edicionin e ardhshëm.

Skuadra angleze nën drejtimin e trajnerit, Vincent Kompany siguroi “biletën” që dërgon në Premierligë disa xhiro para fundit të kampionatit në Championship, shkruan lajmi.net.

Për ta shënuar këtë sukses, Burnley triumfoi 1:2 në udhëtim te Middlesbrough këtë mbrëmje, në kuadër të javës së 40-të.

Për Burnleyn në portë ishte portieri i Kombëtares së Kosovës, Aro Muriq, i cili pritet që të mbrojë portën e Burnleyt edhe në Premierligë.

Natyrisht se pas përfundimit të ndeshjes festa ishte e madhe në taborin e ekipit të Burnleyt.

Muriq me bashkëlojtarët e tij festuan edhe me tifozët e klubit që kishin udhëtuar në këtë duel.

Burnley ka ndarë pamje nga festa e tyre në fushën e Middlesbrough.

Kur janë zhvilluar 40 xhiro në Championship, Burnley ka 87 pikë në vendin e parë, 11 më shumë se Sheffield United./Lajmi.net/

From the final whistle ? pic.twitter.com/ngiEvQsPow

— Burnley FC (@BurnleyOfficial) April 7, 2023