Kadiu ka reaguar nëpërmjet një shkrimi në email, ndërsa Isufi nëpërmjet telefonit.

Ne po e paraqesim më poshtë reagimin e Kadiut pa ndërhyrje:

E nderuara redaksi e medias, lajmi.net,

Lidhur me artikullin tuaj të publikuar gjatë ditës së djeshme për formimin e sindikatës “Posta”, ku keni lakuar emrin tim,

Ju informoj se për themelimin e së njëjtës jam informuar përmes informimit zyrtar nga vet kryetari, z.Mirena, më 18.08.2021.

Punonjësit e përmendur si pjesë e kabinetit janë punonjës shumë vjeçar të Postës së Kosovës Sh.A., me kontrata të rregullta pune të angazhuar nga ish kryeshefat.

Trajtimi i tre sindikatave do të jetë i barabartë në përputhje me Ligjin.

Përpos prezantimit të gabuar të parimeve të mija bazë-trajtim i barabartë për të gjithë, ju keni gabuar edhe mbiemrin tim!

Personalisht çmoj punën e gazetarëve dhe i kuptoj sfidat tuaja, prandaj besoj se në të ardhmen do t’i konfirmoni informatat para publikimit të tyre!

Fakete Kadiu, U.D. Kryeshefe Ekzekutive e Postës së Kosovës

Sqarimi i Redaksisë:

Lajmi.net duke u thirr në burimet e veta ka shkruar se Sindikata e re e ka përkrahjen e Kryeshefes. Pos burimeve tona brenda Postës, këtë e kemi marrë për bazë, marr parasysh edhe faktin se nënkryetar i Sindikatës është zgjedh edhe shoferi saj (Kryshfes) . Ne askund nuk kemi thënë se Kadiu nuk do të ketë trajtim të barabartë edhe për dy Sindikata të tjera që ekzistojnë tash e sa kohë.

Lajmi.net i kërkon falje zonjës Fakete Kadiu, që në një vend mbiemrin ia ka shkruar Kadriu, por ne këtë e kemi rregulluar menjëherë dhe bëhet fjalë vetëm për një gabim teknik.

Nga ana tjetër, drejtori i Kontrollit, Gazmend Isufi ka thënë se nuk qëndron prapa dhe nuk përkrahë asnjë Sindikatë.

Në këtë rast lajmi.net ka bërë një lëshim teknik, ku e kemi rregulluar pasi e kemi pasur për qellim të themi se “Sindikata ka përkrahjen e Drejtorisë së Kontrollit, që udhëhiqet nga Gazmend Isufi”. Kjo meqë shumica e anëtarëve vinë nga ky departament. Përpos këtyre dy gabimeve teknike lajmi.net qëndron prapa artikullit në terësi. /Lajmi.net/

Menaxhmenti i Postës së Kosovës formon sindikatë të re