​Afera e përdhunimit të të miturve, dorëhiqet zëdhënësi i Qeverisë greke

Zëdhënësi i Qeverisë greke Christos Tarantilis ka dhënë dorëheqjen, duke përmendur "arsye familjare", ndërsa autoritetet janë në shënjestër për skandalet që përfshijnë përdhunimin e të miturve.

Bota

28/02/2021 19:46

Në një letër drejtuar kryeministrit Kyriakos Mitsotakis, Tarantilis (57), tha se ai nuk mund të ishte më zëdhënës i qeverisë për arsye familjare, por do të mbetej një deputet për konservatorin në pushtet Demokracinë e Re.

Tarantilis u bë zëdhënës më pak se dy muaj më parë, në fillim të janarit, gjatë rindërtimit “kozmetik” të qeverisë dhe ai do të pasohet në këtë detyrë nga Aristotel Peloni, ish-zëvendësi i tij.

Qeveria e krahut të djathtë po kritikohet nga opozita dhe media, të cilat akuzojnë autoritetet se duan të mbulojnë çështjen e drejtorit të shkarkuar të Teatrit Kombëtar grek, Dimitris Linyadis, kur ai u emërua nga qeveria. Ai është në paraburgim, i akuzuar për dy përdhunime të një të mituri.

Opozita e krahut të majtë dhe media po kërkojnë dorëheqjen e ministrit të Kulturës, Line Mendoni, i cili emëroi Linyatis në postin e drejtorit të teatrit.

Në Greqi, numri i raporteve dhe hetimeve të rasteve të abuzimit seksual në fushën e sportit dhe kulturës është rritur në dy muajt e fundit.