Menjëherë pas publikimit të lajmit se Messi ka pësuar një lëndim serioz, ka reaguar AFA duke e mohuar një gjë të tillë.

Nëpër mediat është thënë se Messi ka pësuar një lëndim në këmbën e tij të djathtë dhe do të jetë jashtë fushave të lojës për katër javë.

Sidoqoftë, një gjë e tillë është mohuar nga Asociacioni i Futbollit të Argjentinës (AFA).

“Leo Messi është dërguar në një klinikë private në Washington, duke bërë një test te këmba e tij e majtë, ku ka pësuar një gërvishtje të vogël në ndeshjen kundër Real Madridit. Dhe, testet kanë konfirmuar se ai nuk është i lënduar”, shkruan në komunikatën zyrtare të lëshuar nga AFA.