Valverde me lëvdata për Kane: Është i jashtëzakonshëm
Barcelona do ta ketë përballë Tottenhamin në ndeshjen e fundit të grupeve në Ligën e Kampionëve.
Sport
Kampionët e Spanjës do ta kenë të vështirë neutralizimin e super sulmuesit anglez, Harry Kane.
Për këtë çështje, i vetëdijshëm është edhe trajneri Valverde, i cili sulmuesin e ka cilësuar si të jashtëzakonshëm.
“Ai është i mirë, sulmues i jashtëzakonshëm i niveleve më të larta botërore” ka thënë Valverde në konferencën për medie, para ndeshjes, transmeton lajmi.net.
“Ai mund të gjuaj nga larg, është i mirë në lojën në ajër dhe mund ta bëjë diferencën në zonën e kundërshtarit” ka thënë tutje trajneri i katalunasve.
“Nuk mund t’i japësh as një metër hapësirë. Ai është lojtarë që bën diferencën” ka përfunduar spanjolli.
Ditë më parë është bërë e ditur se Barcelona po planifikon transferimin e Harry Kane, dhe për shërbimet e tij ka përgatitur rreth 220 milionë euro. /Lajmi.net/