Young Boys do të përballet me Juventusit në Ligën e Kampionëve, ndërsa Gerardo Seoane ka thënë se ai beson në skuadrën e tij.

“Liga e Kampioneve ka ekipet më të mira”, tha Seoane në konferencën e tij për shtyp para ndeshjes, përcjell “lajmi.net”.

“Një ditë e mirë për Young Boys dhe me një kundërshtar të vështirë, ne mund të marrim të paktën një pikë.

“Ne kemi bërë progres [që nga ndeshja e parë], kundër Valencia dhe Manchester United kemi luajtur më mirë dhe kemi sulmuar më shumë.

“Liga e Kampioneve është më e vështirë, lojtarët janë më të vështirë për tu ndalur. Ju shpesh nuk përballeni me lojtarët e kualitetit të [Paulo] Dybala dhe Cristiano Ronaldo, dhe lojtarët e Young Boys nuk kanë përvojë në krahasim me ata të Juves.

“Mendoj se Juventusi do të përballet në këtë ndeshje në potencialin e tyre të plotë dhe nuk pres ndonjë dhuratë në këtë kuptim.

“Ronaldo? Përmbajtja e kampionëve të mëdhenj si ai është shumë e vështirë, ndonjëherë e pamundur.

“Por nëse tre njerëz markojnë Ronaldon, atëherë të tjerët mbesin të lirë për të shënuar gola, kështu që ne duhet të mbrohemi kolektivisht.

“Do të jetë e vështirë, por ne jemi të lumtur që do të përballemi me Ronaldon”, ka shtuar më tej trajneri i Young Boys. /Lajmi.net/