Trajneri i Bayernit e vlerëson lartë talentin nga Kosova – Lajmi.net
Trajneri i Bayernit e vlerëson lartë talentin nga Kosova
Autori: Lajmi.net BundesligaLajme futbolliSport 20:35, 29 April 2018
Bayern Munich ka triumfuar gjatë ditës së djeshme kundër Eintracht Frankfurtit me rezultat 4-1, megjithëse është shpallur kampion i Bundesligas.

Kjo ka bërë që trajneri t’u jep hapësirë më shumë talenteve të rinj, ku mesin e tyre ishte edhe Meritan Shabani që e nisi lojën si titullar dhe luajti për 56 minuta.

Pas përfundimit të ndeshjes, trajneri Jupp Heynckes ka lavdëruar paraqitjen e shqiptarit duke thënë se është pjesë e një grupi të rinjve të talentuar te bavarezët.

Meritan Shabani (Foto Facebook)

“Shabani ka luajtur edhe më parë me ekipin e parë, kujtoj miqësoren me Grobasbachut. Pati një paraqitje shumë të mirë. Shabani është pjesë e një grupi të rinjve shumë të talentuar të klubit tonë”, pohoi Heynckes.

Edhe Shabani është shprehur i lumtur për minutat që i besoi trajneri veteran i Rekordmeister.

“Të paraqitem me ekipin e parë është shumë speciale për mua, pasi këtë e kam ëndërruar që fëmijë. Të kem mundësinë të luaj në të njëjtën fushë me lojtarë të klasit botëror më bën jashtëzakonisht krenar”, pohoi Shabani.

Ndryshe, Bayerni gjatë ditës së martë do të ballafaqohet me Realin në kuadër të takimit të dytë të gjysmëfinales së Ligës së Kampionëve. Kujtojmë takimin e parë të zhvilluar në Gjermani e fituan spanjollët me rezultat 2-1.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO