Luis Suarez shpreson se do të rikuperohet për të luajtur në Kampionatin botëror, pas nënshtrimit të operacionit në gjurin e tij.

Krerët e Federatës së Futbollit të Uruguait kanë njoftuar se ylli i Liverpoolit pësoi lëndimin në xhiron e fundit të Premierligës kundër Newcastles.

27-vjeçari frikësoi shtetin e tij kur u dërgua në spital për t’u operuar.

Edhe pse është ende e paqartë nëse ai do të rikuperohet me kohë për ndeshjen e parë të Uruguait në Grupin D kundër Kosta Rikës më 14 qershor në Estadio Castelao, Suarez është i bindur se do të rikuperohet me kohë.

“Ju faleminderit për përkrahje”, deklaroi Suarez për La Ovacion, në vendlindjen e tij në Uruguai.

“Do të punoj qetë shumë fort në ditët e ardhshme për të qenë 100 përqind dhe t’i ndihmoj bashkëlojtarëve të mi”, u shpreh ai.

Lajmi vjen si gëzim për shtetin nga Amerika e Jugut që u kualifikua në gjysmëfinale të Kampionatit botëror në Afrikën e Jugut, katër vjet më parë.