Zlatan Ibrahimovic ka reaguar ashpër pas dënimit prej katër ndeshjeve moslojë pas ofendimeve të tij në drejtim të shtetit të Francës.

“Dënimi është dëshmi e asaj që flas, njerëzit tani mund ta shohin. E tërë situata është një shaka e keqe, dënimi është joprofesional dhe qesharak. Mëkat për futbollin. Do të isha më i lumtur nëse do të më dënonin deri në fund të vitit, do të shkoja menjëherë në pushim”, deklaroi Ibrahimovic në aplikacionin e tij, Zlatan.

“Fjalët e mija nuk kanë qenë të drejtuara për gjyqtarin. Kemi biseduar me vonë dhe ai e ka konfirmuar. Nëse gjyqtari do të ishte cak, do të isha sqaruar deri më tani”, u shpreh ai.