Sulmet e fundit terroriste në Stamboll, kanë bërë që ylli argjentinas i Besiktasit, Jose Sosa, të largohet nga kampioni i Turqisë, përcjell Lajmi.net.

Mesfushori nuk është paraqitur fare në klub për fazën përgatitore para sezonit të ri, për shkak të frikës nga sulmet e mundshme terroriste.

Ai po shpreson që të transferohet në Itali, me Milanin si skuadrën më të interesuar.

“Kam kërkuar që të largohem nga Besiktasi. E kam bërë për shkak të problemeve personale me familjen. Gruaja ime është e frikësuar të jetojë në Stamboll dhe Turqi, si dhe unë frikësohem për fëmijët e mi”, ka shkruar Sosa në letrën drejtuar klubit.