Kështu e nis Ricardo Kaka bisedën me Milan TV, duke risjellë në kujtesë kohët e lavdishme që ka kaluar me fanellën kuqezi.

“Gattuso? Ishte bukur teksa e shikojë duke udhëhequr stërvitjen. Për nga energjia dhe vendosmëria më kujtonte Gattuson futbollist. E ka kaluar të gjithë kohën duke motivuar skuadrën. Por nuk është vetëm kjo. Ka mësuar dhe studiuar shumë dhe e gjitha kjo e shndërron në një fenomen.”

Më pas braziliani rezervoi një koment për fitoren e Milanit në minutat shtesë ndaj Romës.

“Fitorja me Romën ishte shumë e rëndësishme, sidomos për mënyrën sesi erdhi. Mendoj se ndërrimet rezultuan vendimtare. Tri pikë që rritin besimin për të vijuar dhe bërë sa më mirë në kampionat.”