Festa emocionuese e tifozëve të KB Prishtinës me lojtarët pas suksesit historik
Z Mobile Prishtina ka shkruar historinë në basketbollin shqiptar.
Sport
Skuadra nga Kosova, ka arritur të kalojë në fazën e eliminimit direkt të FIBA Europe Cup, pas fitores së ngushtë me rezultat 82:78 ndaj turqve të Pinar Karsiyaka.
Me sallën e mbushur plot tifozë dhe me një atmosferë të paharruar, Z Mobile Prishtina nuk guxonte të merrte tjetër rezultat pos fitores.
Fundi i ndeshjes solli një dramë të vërtetë, kur kryeqytetasit avanconin me vetëm dy pikë epërsi.
Por, ishte Dardan Berisha që mori udhëheqjen e ekipit, me një depërtim solo, për t’i shënuar pikët e fitores.
Përfundimi i ndeshjes, bëri që një numër i madh i tifozëve të futen në parket për të festuar së bashku me lojtarët këtë sukses historik./Lajmi.net/