Fabregas: Ky ekip do ta fitojë Ligën e Kampionëve
Mesfushori i Chelseas, Cesc Fabregas beson se Barcelona është favorite për të fituar Ligën e Kampionëve.
Sport
Barcelona do ta fitojë Ligën e Kampionëve për edicionin e dytë të njëpasnjëshëm, sipas mesfushorit të Chelseas, Cesc Fabregas.
Ish futbollisti i gjigantit katalan beson se skuadra e trajnerit Luis Enrique është favorite për trofeun kontinental.
“Barcelona është skuadra favorite për të fituar Ligën e Kampionëve”, deklaroi Fabregas për të përditshmen sportive katalane “Mundo Deportivo”, përcjell “Lajmi.net”.
Barcelona është pranë kualifikimit në çerekfinale të Ligës së Kampionëve pas fitores në udhëtim ndaj Arsenalit me rezultat 2:0, në ndeshjen e parë të fazës së dytë të garës.