Sigurimi i një vendi në Ligën e Kampionëve, dhe dëshira e madhe për t’u rikthyer në majat e futbollit anglez, do të shtyjë drejtuesit e Manchester United të mos kursejnë në tregun e transferimeve.

‘DailyMail’ shkruan se Jose Mourinho ka bërë listën prej katër lojtarëve që i dëshiron në ‘Old Trafford’ këtë verë.

Për këta lojtarë, ‘djajtë e kuq’ duhet të paguajnë deri në 300 milionë funte, përcjell lajmi.net.

Bëhet fjalë për yllin e Altetico Madrid, Antonio Griezmann, që ka klauzolë 86.6 milionë funte, të njëjtë e ka klauzolën edhe dëshira tjetër e Jose Mourinhos, sulmuesi i Torinos, Andrea Belotti.

Lojtari i tretë në listën e trajnerit portugez është Romelu Lukaku, me të cilën Mourinho ka punuar te Chelsea, dhe për të cilin janë të gatshëm të paguajnë deri në 100 milionë funte, rekord ky në tregun e transferimeve.

Dhe lojtari i katërt në listën e Mourinhos, është Michael Keane, mbrojtësi i Burnleyt, që kushton 30 milionë funte./Lajmi.net/

Antoine Griezmann/ Atletico Madrid

26 vjeç

Klauzola: 86.6 milionë funte

Sezoni 2016/2017: 36 ndeshje, 16 gola, tetë asistime

Andrea Belotti/ Torino

23 vjeç

Klauzola: 86.6 milionë funte

Sezoni 2016/2017: 34 ndeshje, 25 gola

Romelu Lukaku/Everton

24 vjeç

Çmimi: 100 milionë funte

Sezoni 2016/2017: 37 ndeshje, 25 gola

Michael Keane/ Burnley

24 vjeç

Çmimi: 30 milionë funte

Sezoni 2016/2017: 35 ndeshje, dy gola