Londinezët e kanë mposhtur skuadrën e Manchester City me rezultatin 2:0, shkruan lajmi.net.

Në pjesën e parë ishin mysafirët e Manchester që dominuan takimin por nuk konkretizuan rastet e tyre. Këtë e pësuan në minutën e 45’, kur N’Golo Kante realizoi për mysafirët në gjuajtjën e parë në kuadrat, dhe vendosi rezultatin 1:0 për pjesën e parë.

Në pjesën e dytë, vendasit e filluan diçka më mirë takimin dhe rrezikuan disa herë portën e “Citizens”.

Pikërisht kur skuadra e Pep Guardiolas u rikthye dhe filloi të kontrollonte lojën, duke iu afruar barazimit, ishte David Luiz që me një goditje me kokë mbylli dilemën e fituesit, në minutën e 78’.

Kësisoj, Chelsea rikthehet tek fitorja pasi nuk e gjeti atë në katër ndeshjet e fundit në Premierligë.

Në anën tjetër, Manchester City humbet kreun e tabelës, duke mbetur me një pikë më pakë se Liverpool. /Lajmi.net/