Në një njoftim të dërguar nga ky subjekt politik, është publikuar një foto e Ymerit me kryeministrin Valls, ndonëse nuk ka ndonjë të dhënë shtesë, për mënyrën e takimit apo edhe për atë se çfarë këta të dy kanë mundur të bisedojnë.

Në këtë njoftim është shkruar për takimin e dhe bisedat e Ymerit me disa nga përfaqësuesit e të majtëve në Zvicër, por jo edhe për atë me kryeministrin francez.

Njoftimi i plotë i Lëvizjes Vetëvendosje:

Gjatë ditës së dytë të Kongresit të Partisë Socialiste delegacioni i Lëvizjes VETËVENDOSJE! mori pjesë në drekën e përbashkët të shtruar nga kreu i PS-së për pjesëmarrësit në Kongres.

Kryetari i Lëvizjes Visar Ymeri bashkë me anëtarin e Kryesisë Belgzim Kamberi u takuan edhe me Sekretarin për Marrëdhënie me Jashtë të Partisë Socialdemokrate/Socialiste të Zvicrës Piere-Alain Bolomey. Me ç’rast u diskutua për zhvillimet politike dhe shoqërore në vend, si dhe për fuqizimin e mëtejmë të bashkëpunimit midis Lëvizjes VETËVENDOSJE! dhe Partisë Socialdemokrate/Socialiste Zvicerane.

Kongresi i 77 i Partisë Socialiste përfundon punën nesër.

Bashkëlidhur e keni një foto të z. Ymeri bashkë me kryeministrin francez z. Manuel Valls.