​Pritjet në Jarinje e Dheu i Bardhë deri në 60 minuta

Pritjet për të hyrë në Kosovë në orët e pasdites janë deri në 60 minuta, pasi qytetarët që morën pjesë në zgjedhjet serbe kanë nisur të kthehen.

Lajme

03/04/2022 18:25

Në Bërnjak, pritjet për të hyrë në Kosovë nga Serbia janë 20 deri në 30 minuta. Ndërsa te Dheu i Bardhë janë prej 45 minuta deri 60 minuta. Në pikën tjetër kufitare Jarinje pritjet janë 60 minuta, sipas të dhënave të orës 18:11.

Në Serbi sot mbahen zgjedhjet presidenciale dhe parlamentare. Serbët e Kosovës kanë votuar në Serbi, pasi votimi në territorin e Kosovës nuk u lejua nga Qeveria e Kosovës.