Janë zhvilluar mbrëmë disa ndeshje interesante në kuadër të kualifikueseve evropiane për Kupën e Botës 2026, me rezultate surprizë dhe performanca mbresëlënëse nga disa prej skuadrave.

Befasia më e madhe e mbrëmjes erdhi nga Sllovakia, e cila mposhti Gjermaninë me rezultatin 2-0, falë golave të David Hancko dhe David Strelec. Gjermanët e nisën keq fushatën kualifikuese, duke pësuar humbje në ndeshjen e parë të Grupit A, transmeton lajmi.net.

Në një tjetër duel të fortë, Holanda nuk arriti më shumë se një barazim 1-1 ndaj Polonisë në shtëpi. Golin e vendasve e realizoi Denzel Dumfries, ndërsa Matty Cash i dhuroi një pikë të vlefshme polakëve.

Spanja tregoi klasë në transfertën ndaj Bullgarisë, duke fituar bindshëm me rezultat 0-3. Golat për “La Roja” u shënuan nga Mikel Oyarzabal, Marc Cucurella dhe Mikel Merino.

Ndërkohë, Belgjika zhvilloi një ndeshje spektakolare kundër Litenshtajnit, duke triumfuar me rezultat të thellë 0-6.

Rezultatet e plota të mbrëmjes:

Grupi A

• Luksemburg 1-3 Irlanda e Veriut

• Sllovaki 2-0 Gjermani

Grupi E

• Gjeorgji 2-3 Turqi

• Bullgari 0-3 Spanjë

Grupi F

• Lituani 1-1 Maltë

• Holandë 1-1 Poloni

Grupi J

• Kazakistan 0-1 Uells

• Litenshtajn 0-6 Belgjikë./lajmi.net/