Navas, më afër Realit
Keylor Navas është afër transferimit në Real Madrid. Portieri kostarikan nuk është ftuar nga Levante për turneun e Holandës, kështu që ai mund të bëhet madrilen.
Sport
Keylor Navas mund të jetë përforcimi i radhës për ekipin e Carlo Ancelottit. Levante, klub i cili e mban kartonin e lojtarit, nuk e ka ftuar atë fare për turneun para-sezonal që po e zhvillon në Holandë, duke i shtuar edhe më tej spekulimet për një transferim të tij në Real Madrid.
Sipas mediave spanjolle, Navas mund të përfundojë në Santiago Bernabeu në orët e ardhshme.
Njëri nga portierët Iker Casillas apo Diego Lopez, me këtë rast, mund të largohet nga kampioni aktual evropian.