Napoli e konfirmon, Lozano do mungojë një muaj
Hirving Lozano ka përsuar lëndim në ndeshjen ndaj Juventusit në kuadër të xhiros së 22-të të Serie A.
Sport
Meksikani u largua nga loja në minutat e fundit të pjesës së dytë, ku Napoli mbeti pa një lojtar sepse Gattuso kishte kryer të gjitha zëvendësimet, transmeton lajmi.net.
Sot, Napoli ka konfirmuar lëndimin e “Chucky” në uebfaqen e klubit.
“Ekzaminimet për Lozanon kanë evidentuar një dëmtim të shkallës së dytë në femurin e këmbës e djathtë”, thuhej në komunikatën e Napolit.
Lozano pritet të mbetet jashtë për një muaj dhe kështu që do të humbasë ndeshjet ne Europa League, dhe mund të jetë jashtë ndeshjeve si Atalanta, Benevento, Sassuolo dhe Bologna në Serie A.
Napoli tashmë është pa Kalidou Koulibaly, Faouzi Ghoulam, Diego Demme, Elseid Hysaj, Dries Mertens dhe Kostas Manolas. Tani, listës i shtohen edhe Lozano e Ospina./Lajmi.net/
? | @HirvingLozano70, distrazione di secondo grado al bicipite femorale destro.@D_Ospina1, distrazione di primo grado all’adduttore della coscia destra.
? #ForzaNapoliSempre pic.twitter.com/9dQl6ldVFM
— Official SSC Napoli (@sscnapoli) February 15, 2021