Ky takim është mbajtur rreth orës 12, mirëpo, të dy krerët e partive nënshkruese të marrëveshjes së koalicionit pas zgjedhor, LDK-AAK-Nisma, nuk kanë dhënë ndonjë prononcim për media.

Shtimi i intensitetit të takimeve në mes të përfaqësuesve të Bllokut, po vërhehet sot, kur sipas të gjitha gjasave, pritet që të ketë edhe një takim në mes tyre dhe udhëheqësve të PDK-së.

Ky takim, në opinion po cilësohet si vendimtar në kalimin e krizës politike, që ka përfshirë vendin nga pamundësia e krijimit të institucioneve tash e sa muaj, pas përfundimit të zgjedhjeve parlamentare të 8 qershorit.

Përveç një ultimatumi të dhënë nga Presidentja Atifete Jahjaga, mesazh kërcënues liderët e partive politike, për vonesën që janë duke e shkaktuar në formimin e institucioneve të reja, kanë marr të enjten edhe nga Ambasadorja e SHBA-ve në Kosovë, Tracey Ann Jacobson.