Mourinho flet për ‘dashurinë e vjetër’: Inter duhet ta fitojë ‘Scudetton
Jose Mourinho është kthyer për të folur edhe një herë rreth dashurisë së tij të vjetër, Inter.
Sport
Mourinho me deklaratat e tij të fundit, ka rritur jashtëzakonisht shumë presionin për Antonio Conte, duke insistuar se Inter duhet me doemos ta fitojë titullin e kampionit në Serie A.
Ishte pikërisht portugezi ai që i fundit drejtoi ‘Zi kaltrit’ drejt ‘Scudettos’ në vitin 2010, para se të fillonte rivalitetin me Conte.
“Nerazzurri duhet ta fitojnë Serie A këtë sezon. Jam i sigurt se ata do ta bëjnë” ka thënë Mourinho për ‘Gazzetta dello Sport’, transmeton lajmi.net.
Portugezi si gjithnjë së fundmi, është pyetur edhe për të ardhmen e tij, duke lënë të hapura të gjitha mundësitë përfshirë Bundesligën. /Lajmi.net/