Skuadra e Monzas është shumë afër transferimit të Pablo Marit nga Arsenali.

Lojtari nuk është në planet afatgjata të klubit, me ç’rast Mikel Arteta ia ka hapur derën brazilianit, transmeton lajmi.net.

Reparti i qendrës së mbrojtjes tanimë është i “mbipopulluar” te “topçinjtë”, andaj një lirim pozite do të jetë i nevojshëm këtë afat kalimtar.

Përfaqësuesit e skuadrës italiane, tashmë pjesë e Serie A, janë të interesuar që marrëveshja të kryhet në 48 orët e ardhshme.

Ende nuk dihet për shumën e kësaj lëvizjeje, mirëpo duket se gjithçka është drejt përfundimit. /Lajmi.net/